今日...28號啦...原定27號晚就要完成所以既final工作!!可惜,事與願違!對於未能如期完成,非常失望...感嘆!唉....原本想像得很美好的暑假...我有點卻步!不敢再存更有多的幻想!

     今日早上..醒來...突然覺得自己好可憐..覺得即使係訓覺,都仲要記掛住d功課!連發夢都係做功課...咁樣既睡眠,算咩休息?想著想著...眼淚都流出來...好想嚎啕大哭!但不敢..免得嚇親家人!我知我唔可以再喊..我對眼已經被多日通宵夜訓逼出無數紅筋..再喊,只會令眼睛既痛楚加深!深呼吸...直至回復正常的呼吸速度。

      坐起身,我依然覺得頭昏腦脹!沖個涼...開電腦。一開又係關於功課既msn...雖然好唔想見到!但我唔可以扮見唔到...大家都係咁辛苦..個個都係咁捱,可能仲有好多人辛苦過我...互相支持吧!打開3d max的教學網站..研究了好一會兒!但最後...都係睇唔明!失敗左。

      沖完涼,都係未令我完全清醒!仍然好迷...咁唯有沖埋咖啡啦....從前既我,好唔鍾意飲咖啡..因為成日飲完都會胃痛,同埋會過渡活潑...所以可免則免!但而家...冇左咖啡,就如失去兩臂..咩都做唔到!真諷刺!研究沖一杯好飲既咖啡,成為我既樂趣!苦中作樂...我諗我開始愛上飲咖啡。但我幾時,先可以愛上3d max??